നെയ്ച്ചോറ്
ബിരിയാണി കഴിച്ച പലരും ഇപ്പോഴും ജീവനോടെ ശേഷിക്കുന്നു എന്നെ ധൈര്യത്തില് ഇവിടെ ഒരു നെയ്ച്ചോര് നിര്മ്മാണ ശ്രമം.
ബിരിയാണി റൈസ് : 4 ഗ്ലാസ്.
വലിയ ഉള്ളി : 2 (ഇടത്തരം)
നെയ്യ് - അര കപ്പ്
ഏലയ്ക : 4 എണ്ണം
ഗ്രാമ്പൂ : 6 എണ്ണം
കറുവാപട്ട : ചെറിയ കഷ്ണം.
ഉപ്പ് : പാകത്തിന്
* ആദ്യമായി അരി കഴുകി വൃത്തിയാക്കി ആറു മണിക്കൂര് കുതിര്ക്കാന് വെക്കണം.
*വലിയ ഉള്ളി ചെറുതായി കട്ട് ചെയ്യുക. ശേഷം നെയ്യ് ല് നന്നായി വഴറ്റുക. ( ചെറിയ തീയില് - കളര് ചുവപ്പാകരുത്). അതിലേക്ക് ഏലയ്ക്ക, ഗ്രാമ്പൂ, പട്ട എന്നിവകൂടി ഇടുക. നന്നായി വഴറ്റിയശേഷം ഇതില് അരിയിട്ട് മൂപ്പിക്കണം.അരി മൂക്കുമ്പോള് തിളച്ച വെള്ളമൊഴിച്ച് ഉപ്പു ചേര്ക്കണം. ചട്ടുകം കൊണ്ടു മൂന്നോ നാലോ തവണ ഇളക്കി കൊടുക്കണം. അടിയില് പിടിക്കാത്തിരിക്കാനും മുറിഞ്ഞു പോകാതിരിക്കാനും വേണ്ടിയാണിത്.
(1:1.5 എന്ന തോതിലാണ് വെള്ളം എടുക്കേണ്ടത്, വെള്ളം കൂടിയാല് നെയ്ച്ചോറിന് പകരം നെയ് കഞ്ഞിയോ നെയ് പായസമോ അവാം. അതിനാല് വെള്ളം അളക്കുമ്പോള് സൂക്ഷിക്കുക)
വെള്ളം ഏകദേശം 95% വറ്റിയാല് (പാത്രത്തിലെ ചോറില് ചെറിയ കുഴികള് പ്രത്യക്ഷപ്പെടുന്ന സമയം...) നന്നായി ഇളക്കി തീ കഴിയുന്നത്ര കുറക്കുക. മുകളില് അലൂമിനിയം ഫോയില് കൊണ്ടോ മറ്റോ നന്നയി മൂടി (വായു പുറത്ത് പോവാത്ത വിധം) ഇരുപത് മിനുട്ട് അടുപ്പത്ത് വെക്കുക.
ഇരുപത് മിനുട്ടിന് ശേഷം നെയ്ച്ചോര് റെഡി.
വെജ്/നോണ് വെജ് കറികളുടെ കൂടെ തട്ടാം... ഇനി കറിയില്ലെങ്കിലും ഒരു കൈ നോക്കാവുന്നതേയുള്ളൂ.
No comments:
Post a Comment